Xocavənddə 21 nəfərin xəsarət aldığı qəzanın səbəbi açıqlandı
Bizi izləyin
Zəfaran

Hadisə

Xocavənddə 21 nəfərin xəsarət aldığı qəzanın səbəbi açıqlandı

Xocavənddə 21 nəfərin xəsarət aldığı qəzanın səbəbi açıqlandı

Ötən gün axşam saatlarında Əhmədbəyli-Füzuli-Şuşa avtomobil yolunun tikintisi işlərini həyata keçirən subpodratçı “Kolin İnşaat Turizm Sənaye və Ticarət” şirkətinə məxsus xidməti avtobus qəzaya uğrayıb. Qəza Xocavənd rayonu ərazisində baş verib.

Avtomobil Yolları Dövlət Agentliyindən Publika.az-a bildirilib ki, hadisə nəticəsində axşam növbəsinə gedən işçilərdən 21 nəfər xəsarət alıb. 16 nəfər ilkin tibbi yardımdan sonra Bakıya təxliyə edilib. 5 nəfər isə Füzuli Rayon Mərkəzi Xəstəxanasındadır. Yaralıların vəziyyəti stabildir, həkim nəzarətindədilər.

Qəza Əhmədbəyli-Füzuli-Şuşa avtomobil yolunda inşa edilən T3 tunelinin girişinə dönən yolda qeydə alınıb. İlkin ehtimala görə yolunun tikintisi işlərini həyata keçirən subpodratçı “Kolin İnşaat Turizm Sənaye və Ticarət” şirkətinə məxsus xidməti avtobusun sürücüsü idarəetməni itirməsi nəticəsində baş verib.

Qəza hadisəsi ilə bağlı araşdırma aparılır.

Teqlər
Oxumağa davam et
Reklam
Reklam

Gündəm

Səba