Bakıda daha bir dəhşətli qətl – Qonşuluqda yaşayan qadını öldürdü - YENİLƏNDİ

Bakıda qadını qətlə yetirməkdə şübhəli bilinən şəxs tutulub.

Bu barədə Publika.az-a Baş Prokurorluğun Mətbuat Xidmətindən bildirilib.

Qeyd edilib ki, fevralın 23-də saat 11 radələrində Xəzər rayonu ərazisində yaşadığı evdə Sevinc Cəfərovanın kəsici-deşici alətlə aldığı xəsarətlərdən ölməsi barədə rayon prokurorluğuna məlumat daxil olub.

Dərhal prokurorluq və polis əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib.

Faktla bağlı Xəzər Rayon Prokurorluğunda Cinayət Məcəlləsinin 120.1 (qəsdən adam öldürmə) maddəsi ilə cinayət işi başlanıb.

Həyata keçirilən təxirəsalınmaz tədbirlər nəticəsində zərəçəkmişin tanışı Samir Sadıqov şübhəli şəxs qismində tutularaq istintaqa cəlb edilib.

*****

10:41

Bakı şəhərinin Xəzər rayonunda qətl törədilib.

Publika.az-ın əldə etdiyi məlumata görə, Qala qəsəbəsi Xaşaxuna yaşayış massivində bağlar sahəsindəki nömrəsiz evdə yaşayan Cəfərova Sevinc Rəşi qızının üzərində çoxsaylı bıçaq xəsarətləri olan meyiti tapılıb.

İlkin araşdırmalardan sonra qadının qonşuluqda yaşayan şəxs tərəfindən öz evində amansızlıqla öldürülməsi üzə çıxıb.

Hadisəni törədən şəxsin saxlanılması istiqamətində iş aparılır.

Faktla bağlı Xəzər rayon Prokurorluğunda cinayət işi açılıb.