Azərbaycanda həbsxanadan qaçış planı - NƏZARƏTÇİNİ ÖLDÜRMƏK İSTƏYƏN 10 MƏHKUM İFŞA OLUNDU - VİDEO

Bir neçə gün əvvəl Azərbaycanda yaşı 17-dən aşağı olanlar üçün yeni tikilən həbsxanada böyük insident baş verib. Adekvat təhlükəsizlik tədbirlərinin görülmədiyini görən 10 məhbus ən məsuliyyətsiz mühafizəçinin növbəsi zamanı onu öldürüb qaçmağı planlaşdırıb.

Publika.az">Publika.az xəbər verir ki, bu sensasion xəbər Türkiyənin habererk.com portalında yayılıb: “Tapşırıqları öz aralarında böldükdən sonra mühafizəçini öldürmək üçün soyuq silah hazırlayıblar. Sanki həbsxanada deyil, düşərgədə idilər. Onların planı son anda üzə çıxdı. Əvvəlcə Ədliyyə Nazirliyinin Cəzaçəkmə Müəssisəsi hadisəni ört-basdır etməyə çalışıb və bir neçə nəfər işdən çıxarılıb. Ancaq belə bir ciddi səhvi gizli saxlamaq mümkün deyildi. Hadisədən sonra Ədliyyə Nazirliyi Cəzaçəkmə Müəssisəsində yoxlama ilə başlayan bir çox qanuna zidd əməllər aşkarlanıb. Hadisənin baş verdiyi həbsxana gənc cinayətkarlar üçün yeni tikilib, binada müasir mühafizə sistemi quraşdırılıb. Bu hadisənin nəticəsidir ki, müasir mühafizə sistemlərinin quraşdırıldığı yerdə qaçış planı son anda üzə çıxarsa, sovet dövründən qalan köhnə binalarda yerləşən həbsxanalarda təhlükəsizlik səviyyəsi xeyli aşağıdır”.

Olaya diqqəti çəkən Habererk bildirir ki, bu fikir Azərbaycan həbsxanalarında narkotik vasitələrin qanunsuz dövriyyəsi və məzhəb-separatçı terror təşkilatının “dininin” yayılması ilə bağlı deyilənləri təsdiqləyir:

“.Maraqlısı odur ki, bəzən narkotik alverçiləri ilə dini-separatçı terror təşkilatının üzvləri əməkdaşlıq edirlər. Məsələn, İran Azərbaycanda narkotik şəbəkəsini genişləndirmək üçün məscidlərə və həbsxanalara yerləşdirdiyi saxta din alverçilərindən istifadə edir. Həbsxana həyatının ilkin dövrlərində depressiyaya düşən və tövbə qapısı axtaran məhbuslar özlərini dindar görünən narkotik alverçilərinin qucağında tapırlar. Bir neçə aylıq “dini” təlimdən sonra yeni “yem” üzvlüyə namizəd olur, qrup daxilində rollar verilir, iradəsi yoxlanılır, daha sonra onu daha dərin bir dünyaya – narkotik alveri şəbəkəsinə aparırlar. Həbsxanalarda narkotik vasitələrin qanunsuz dövriyyəsindən əldə edilən pullar dini-separatçı terror təşkilatının müdafiəsinə və genişlənməsinə sərf olunur. Azərbaycan mətbuatında bununla bağlı çoxlu xəbərlər gedir”.

Yazı müəllifi hesab edir ki, bu məsələnin Türkiyəni də narahat edən tərəfləri də var :

“Bir çox Azərbaycan vətəndaşı Türkiyədən tranzit ölkə kimi istifadə edərək məzhəb-separatçı terror təşkilatlarına qoşulur. Cənub və Cənub-Şərq bölgələrinin bir neçə il əvvələ qədər terror təşkilatları üçün açıq yer olması Azərbaycandan da təşkilatlara üzvlərin cəlb edilməsinə şərait yaradıb. Bu insanların bəziləri ayaq basmadıqları yerlərdə basdırılıb, bəziləri hələ də naməlum yerdədir, bəziləri saxta pasportlarla Avropaya keçib təşkilatdan qurtula biliblər. Lakin onların bəziləri xüsusi tapşırıqla Azərbaycan həbsxanalarına yerləşdirilib.

Türkiyə-Azərbaycan birliyinin sürətlə dərinləşməsi bu insanların terror birlik modellərinə qarşı dağıdıcı fəaliyyətə əl atma ehtimalını artırır. Bu mənada Azərbaycan həbsxanalarında özünü dənizdə balıq kimi hiss etməyin çox acı nəticələri ola bilər.

Azərbaycan həbsxanaları ilə Türkiyə arasında digər əlaqə keçmiş Sovet İttifaqında çirkli pulların yuyulmasında səlahiyyətləri olan yeraltı dünya kralları vasitəsilədir. SB-nin dağılmasından sonra bu şəbəkə öz gücünü daha böyük coğrafiyalara yaymağa başladı. Bir ucunda Avropa, digər ucunda Birləşmiş Ərəb Əmirlikləri olan geniş bir məkan yeraltı dünya üçün açıq idi.

Burada məskunlaşan cinayət aləmi Türkiyənin yeraltı dünyası ilə əlaqələr qurub. Zaman keçdikcə qara pullar hüquqi işlərə keçdi. Amma yeraltı dünyasının öz qaydaları var və orada qaydaları pozmaq ölümlə cəzalandırılır. Türkiyədə əsl adı Nadir Səlifov olan “Lotu Quli” və Azərbaycan əsilli “Rövşən Lənkəranski”nin Türkiyədə qətlə yetirilməsi yəqin ki, çoxlarının yadındadır”.

(Gununsesi.info)