Hadisə

Bakıda yataqxana binasında yanğın baş verdi - VİDEO/ YENİLƏNDİ

24 Aprel 2023 22:50

Fövqəladə Hallar Nazirliyinin (FHN) "112" qaynar telefon xəttinə Bakı şəhəri, Yasamal rayonu, İ.Zülalov küçəsində beşmərtəbəli yataqxana binasında yanğın olması barədə ilkin məlumat daxil olub.

Nazirlikdən Publika.az-a bildirilib ki, məlumatla əlaqədar FHN-nin Dövlət Yanğından Mühafizə Xidmətinin və Xüsusi Riskli Xilasetmə Xidmətinin müvafiq qüvvələri çağırış üzrə cəlb olunub.

Hazırda yanğınsöndürmə və digər xilasetmə işləri həyata keçirilir.

X X X

Bakı şəhəri, Yasamal rayonu, İ.Zülalov küçəsində beşmərtəbəli yataqxana binasında baş vermiş yanğın zamanı sakinlər təxliyə edilib.

Bu barədə FHN-dən məlumat verilib.

Bildirilib ki, hadisə nəticəsində xəsarət alan yoxdur. Yanğın binanın 4 və 5-ci mərtəbələrində qeydə alınıb.

Qeyd edək ki, yanğın artıq söndürülüb.