Hadisə

Bakıda ofisiantla müğənni arasında dava: təhqiramiz videosunu yayaraq...

6 Yanvar 2025 15:35

Bakıda işlədiyi restoranda müğənnini təhqir edən ofisiant cinayət məsuliyyətinə cəlb edilib.

Publika.az-ın əldə etdiyi məlumata görə, hadisə Binəqədi rayonunda yerləşən restoranlardan birində baş verib.

Restoranda ofisiant işləyən Qəbələ rayon sakini 1984-cü il təvəllüdlü Şəfa Mustafayeva orada müğənnilik edən Mehriban S. ilə mübahisə yaşadıqdan sonra işdən çıxarılıb. Bundan sonra Şəfa "TikTok" sosial şəbəkəsində saxta hesab yaradıb və müğənninin fotolarından ibarət video hazırlayaraq üzərinə təhqiramiz ifadələr yazmaqla paylaşıb.

Müğənni videodan xəbər tutduqdan sonra hüquq-mühafizə orqanlarına şikayət edib. Mehriban S-in xüsusi ittiham qaydasında Cinayət Məcəlləsinin 148-ci (Təhqir) maddəsi ilə qaldırdığı şikayət Abşeron Rayon Məhkəməsinə istiqamətləndirilib. Məhkəmədə Şəfa Mustafayeva törətdiyi əməli etiraf edib. Ona 1000 manat cərimə kəsilib.

Taleh