Azərbaycanlıların idarə etdiyi daha bir gəmi vuruldu

İyulun 10-u Ukrayna Silahlı Qüvvələrinin Rusiyanın Azov dənizində gəmilərə dronlarla həyata keçirdiyi hücumlar zamanı azərbaycanlıların idarə etdiyi bir gəmiyə də zərbə endirilib.

Publika.az-ın Medianyus.az-a istinadən məlumatına görə, dron hücumu nəticəsində “Turbo Sem” adlı gəminin ön tərəfi, üstü zədələnib, arxa lövbəri qopub.

“Turbo Sem” quru yük gəmisidr, Komor adaları bayrağı altında üzür, dron hücumu zamanı Azov limanında dayanıbmış.

Gəminin kapitanı, kapitan köməkçiləri və digər heyət üzvlərinin hamısı azərbaycanlıdır.

Xoşbəxtlikdən “Turbo 7”də heç kim yaralanmayıb.

“Turbo 7” dron zərbəsinə məruz qalmamışdan əvvəl gəmidəki azərbaycanlılar ətrafdakı gəmilərə hücumları videoya çəkməklə məşğul imişlər.

Xatırladaq ki, iyunun 5-i Azov dənizində dron hücumları zamanı azərbaycanlıların idarə etdiyi “Natra” və “Zirkon” adlı yük gəmiləri vurulmuş, 25 nəfər Azərbaycan vətəndaşından 4-ü, o cümlədən hər iki gəminin kapitanı həlak olmuş, bir neçə nəfər yaralanmışdı.