Bakıda azyaşlı uşaq eyvandan yıxıldı
Bizi izləyin
Aptekonline

Hadisə

Bakıda azyaşlı uşaq eyvandan yıxıldı

Bakıda azyaşlı uşaq eyvandan yıxıldı

Bakıda uşaq binadan düşüb. Hadisə Suraxanı rayonu Yeni Günəşli qəsəbəsinin V massivindəki binalardan birində qeydə alınıb.

Suraxanı rayonunun 33-cü Polis bölməsindən ANS PRESS-ə verilən məlumata görə, azyaşlı Kərimova Zəhra binanın 3-cü mərtəbəsindəki yaşadığı evin pəncərəsindən yıxılaraq ağır bədən xəsarətləri alıb.

Ağır vəziyyətdə olan uşaq dərhal qonşulardan birinin köməkliyi ilə Respublika Neyrocərrahiyyə Xəstəxanasına çatdırılıb.

Xəstəxandan bildirdilər ki, azyaşlının vəziyyəti ağırdır.

Şahidlərin sözlərinə görə, hadisə baş verən vaxt uşaq evdə 6 yaşlı bacısı ilə birgə olub və evin qapısı da çöl tərəfdən bağlı olub. Əraziyə cəlb edilən Fövqəladə Hallar Nazirliyinin əməkdaşları qapını açaraq xəsarət alan azyaşlının bacısını xilas ediblər.

Valideynlərin uşaqları evdə qoyub qapını bağlayaraq işə getdikləri bildirilir.

Faktla bağlı Suraxanı rayon polis idarəsində araşdırma aparılır.

Oxumağa davam et
Reklam
Reklam

Gündəm

Aptekonline