Qarqar çaydan piyada əleyhinə mina tapıldı
Bizi izləyin
Aptekonline

Hadisə

Qarqar çaydan piyada əleyhinə mina tapıldı

Qarqar çaydan piyada əleyhinə mina tapıldı

Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) tərəfindən Qarqar çayında piyada əleyhinə 3 mina aşkarlanıb.

Bu barədə Publika.az-a Ağdam rayon İcra Hakimiyyəti başçısının birinci müavini Zülfü Qasımov məlumat verib.

Onun sözlərinə görə, bu gün onlardan ikisi zərərsizləşdirilib, sabah isə digəri zərərsizləşdiriləcək: “Minalar əsasən, çaydan 40-50 metr kənarda aşkarlanıb. Dünən isə kənd sakinlərinin verdiyi məlumata görə, Xaçınçayda piyada əleyhinə bir mina partlayıb. Hadisə nəticəsində xəsarət alan olmayıb”.

Z.Qasımov ANAMA-nın axtarışlarının davam etdiyini bildirib.

Qeyd edək ki, ötən gün ermənilərin işğal altındakı Xaçınçay və Sərsəng su anbarlarından təmas xəttində yerləşən Azərbaycan kəndlərinə buraxılan suya mina atması barədə məlumat yayılıb. Ermənilərin çaya buraxdığı müxtəlif növ hərbi sursatların güclü axın nəticəsində daşlara dəyib partladığı bildirilirdi.

Gülxar

Oxumağa davam et
Reklam
Reklam

Gündəm

Aptekonline