Hadisə

Dünən 6 nəfəri gün vurub

20 İyul 2016 10:45

Son günlər havaların isti keçməsi ilə əlaqədar təcili yardıma günvurma ilə bağlı müraciətlərin sayı artıb. Təkcə ötən gün 6 nəfər bununla bağlı müraciət edib. Onlardan 3-ü xəstəxanaya yerləşdirilib.

Bunu Publika.az-a açıqlamasında Bakı Şəhər Təcili və Təxirəsalınmaz Tibbi Yardım Stansiyasının baş həkimi Rauf Nağıyev deyib.

Onun sözlərinə görə, iyul ayından bu günə qədər günvurma ilə bağlı ümumilikdə 24 müraciət olub. Müraciət edənlərdən 8-i xəstəxanaya yerləşdirilib: “Ötən günə qədər müraciətlər tək-tək olurdu. Bu da hava şəraiti ilə bağlıdır. Bu il yay fəsli çox da isti keçmir, son günlər havanın temperaturu nisbətən yüksəldiyindən müraciətlərin də sayında artım müşahidə edirik. Günvurma ilə müraciət edənlər arasında uşaqlar da var.”.

R.Nağıyev onu da əlavə edib ki, bu il ilansancma ilə bağlı müraciətlərin sayı azalıb: “Bu il yay fəsli ərzində 22 nəfər ilansancma ilə müraciət edib. Onlardan 19-u xəstəxanaya yerləşdirilib”.

Gülxar