İdman

Nazirin “qələmi qırıldı” - Putin bəyanat yaydı

19 İyul 2016 10:35

Rusiya prezidenti Vladimir Putin VADA-nın müstəqil komitəsinin Rusiya idmanındakı dopinq maxinasiyaları ilə bağlı hesabatına münasibət bildirib.

Publika.az xəbər verir ki, prezidentin saytında yerləşdirilən bəyanatda bildirilir ki, bu məsələdə VADA-ya Rusiya dövləti tərəfindən hər cür dəstək veriləcək. Putin günahkar şəxslərin hamısının vəzifədən azad olunacağını və cəzalandırılacağını bildirib. Bunun üçün VADA-dan daha geniş və obyektiv hesabat istənilib. Hesabatda adı çəkilən, dopinq maxinasiyalarında iştirakı sübut olunan bütün şəxslər vəzifələri ilə vidalaşmalı olacaq.

VADA-nın araşdırmalarına görə, 2014-cü ildə Soçidə keçirilən qış olimpiya oyunlarından əvvəl və sonra Rusiya idmançıları dopinqdən istifadə ediblər. Bu iş sistemli şəkildə, dövlət məmurlarının göstərişi əsasında həyata keçirilib. Dopinq maxinasiyalarına Rusiyanın idman naziri, Rusiya Futbol İttifaqının prezidenti Vitali Mutkonun rəhbərlik etdiyi bildirilir.