Futbol tarixinin iki əfsanəsi üçün ÖZƏL GÜN - - VİDEO

Bu gün futbol dünyasının iki nəhəngi – Kriştiano Ronaldo və Neymarın doğum günüdür.

Publika.az xəbər verir ki, “Real”ın şərəfini qoruyan Ronaldo 32, PSJ-yə keçidi ilə dünyanın ən bahalı futbolçusu statusunu qazanan Neymar isə 25-ci yaşına qədəm qoyur.

Ronaldonun atası oğlunun adını ABŞ prezidenti Ronald Reyqanın şərəfinə qoyub. Maraqlıdır ki, Ronaldonun uşaqlıqdan pərəstiş etdiyi komanda “Benfika”dır. O, “Mançester Yunayted”in ilk portuqaliyalı futbolçusu olmaqla yanaşı, “Real Madrid”ə keçidi ilə dövrünə qədər tarixin ən bahalı futbolçusuna çevrilib.

Neymar isə 10 nömrəli formanın haqqını verə bilən tək-tük futbolçulardan sayılır. Onun ulduzu “Barselona”da 123 matçda vurduğu 68 qolla parlayıb. Hazırda PSJ-nin şərəfini qoruyan braziliyalı forvard karyerası ərzində 2010-cu ildə “İlin ən yaxşı gənc futbolçusu” , “Qol kralı 2010”, “İlin ən gözəl qolu - FİFA 2011”, “Qızıl Top” - FİFA Konfederasiyalar Kuboku və 4 qol ilə “2013 Qəhvəyi ayaqqabı” mükafatlarını qazanıb.

Zümrüd