“Çelsi” Luis Enrikeylə anlaşdı
Bizi izləyin
Aptekonline

İdman

“Çelsi” Luis Enrikeylə anlaşdı

“Çelsi” Luis Enrikeylə anlaşdı

“Barselona”dan ayrıldıqdan sonra işsiz qalan Luis Enrikenin yeni komandası bəlli olmaq üzrədir.

Publika.az “NTV Spor”a istinadən xəbər verir ki, ispan mütəxəssisin İngiltərədə işləyəcəyi haqda söz-söhbətlər güclənib.

Bazar ertəsi “Vest Bromviç”i qəbul edəcək “Çelsi” xal itirəcəyi təqdirdə baş məşqçi Antonio Konte illə yolların ayrılacağı ehtimal olunur. Məsələ burasındadır ki, son 3 qarşılaşmada London klubu meydandan müxtəlif hesablı məğlubiyyətlərlə ayrılıb.

Kontenin gedişindən sonra onun yerinə ilk real namizəd kimi məhz ispaniyalı Luis Enrike göstərilir.

İspaniya mətbuatı “Çelsi” rəhbərliyinin 47 yaşlı mütəxəssislə görüşdüyünü yazıb. Hətta iddiaya görə, tərəflər arasında 2,5 illik müqavilənin razılığı da alınıb.

Xatırladaq ki, “Çelsi” Çempionlar Liqasının pley-off mərhələsində Luis Enrikenin sabiq klubu “Barselona” ilə qarşılaşacaq.

Pərviz

Oxumağa davam et
Reklam
Reklam

Gündəm

Aptekonline