“Fənərbaxça”-“Qalatasaray” matçının hakimi açıqlandı - İLK QOLA DİQQƏT

Türkiyə Super Liqasının 26-cı həftəsi çərçivəsində keçiriləcək “Fənərbaxça”-“Qalatasaray” derbisinin hakimi müəyyənləşib.

Publika.az xəbər verir ki, 17 mart tarixində baş tutacaq görüşə baş hakim Bülent Yıldırım nəzarət edəcək.

Türkiyə Futbol Federasiyası Mərkəzi Hakim Qurumundan verilən açıqlamaya görə, B.Yıldırımın köməkçiləri Əkrəm Qan və Kamal Yılmaz olacaq. Derbinin 4-cü hakimliyini isə Ümid Öztürk edəcək.

Super Liqada 2003-2004-cü il mövsümündən etibarən çıxış edən Bülent Yıldırım daha əvvəl 41 dəfə “Qalatasaray” matçına çıxıb. “Sarı-qırmızılılar” bu qarşılaşmaların 22-də qalib, 12-də bərabərlik əldə edib, 7 matçda məğlub olub. B.Yıldırım bu matçlarda “Qalatasaray”a 102 sarı, 4 qırmızı kart çıxarıb.

Təcrübəli referi “Qalatasaray”ın matçlarına çıxmağa ilk dəf 2004-2005 mövsümündə başlayıb. Beş dəfə “Qalatasaray” – “Fənərbaxça” derbisini idarə edib. Bu matçların ikisində “aslanlar”, birində “sarı kanaryalar” qalib gəlib. Bir matç isə bərabərə bitib.

Tərəflərin Superliqada keçirdiyi son 49 matçda ilk qolu vuran komanda sadəcə 3 dəfə məğlub olub. “Fənərbaxça” ilk qolu vurduğu 23, “Qalatasaray” isə 11qarşılaşmadan qalibiyyətlə ayrılıb. 6 matç bərabərliklə başa çatıb. 6 matçda qol qeydə alınmazkən, 3 qarşılaşmada “Qalatasaray” ilk qolu vuran tərəf olmasına rəğmən, rəqibinin qalib olmasının qarşısını ala bilməyib.

Zümrüd