İdman

Heydər Əliyevin xatirəsinə həsr olunmuş turnir start götürdü - Məşhurlar bir arada

8 May 2018 12:54

Bu gün Qəbələ Stend və Ox Atıcılığı Kompleksində Heydər Əliyevin anadan olmasının 95 illik yubileyinə həsr edilmiş stend atıcılığı üzrə beynəlxalq Qran Pri yarışı start götürüb.

Publika.az xəbər verir ki, turnir “Qəbələ” Atıcılıq Klubunun təşkilatçılığı, Azərbaycan Atıcılıq Federasiyasının, Gənclər və İdman Nazirliyinin dəstəyi ilə keçirilir.

Yarışda Azərbaycan, Türkiyə, Gürcüstan, Ukrayna, Özbəkistan, Rusiya, İran, BƏƏ və Bəhreyndən 70 idmançı iştirak edir. Beynəlxalq yarışın iştirakçıları arasında dünyanın tanınmış atıcıları, dünya və Avropa çempionları, olimpiya mükafatçıları da var. Mayın 12-dək davam edəcək yarışda idmançılar 6 dəst medal uğrunda mübarizə aparacaqlar. Qran Prinin rəsmi açılış mərasimi mayın 10-da olacaq.