İdman
Fransalı ulduz "Qəbələ"nin tarixinə düşdü - REKORD
![](https://publika.az/storage/2018/05/13/98996.jpg?v1722037447)
Topaz Premyer Liqasının 27-ci turunda “Sumqayıt”la
qarşılaşan və mövsümdə son səfər matçını keçirən “Qəbələ” rəqib
meydanında 2:0 hesabı ilə qalib gəlib.
Publika.az klubun rəsmi saytına istinadən xəbər verir ki, bu oyunda
vurulan iki qolla komanda özünün səfərdəki məhsuldarlıq rekordunu
təkrarlayıb. Belə ki, “Qəbələ” cari mövsüm rəqib meydanında
keçirdiyi 14 görüşdə 23 dəfə qapılara yol tapıb. Bu, 12-ci
mövsümdür yüksək dəstədə çıxış edən “qırmızı-qaralar”ın ən yüksək
göstəricisinin təkrarıdır. Futbolçular 2014/15 mövsümündə də rəqib
meydanlarında rekord sayda - 23 qol vurmuşdu. Lakin həmin rekordun
qeydə alındığı vaxt səfərdə 16 oyun keçirən “Qəbələ” bu dəfə daha
az – 14 qarşılaşmada fərqlənib.
Sumqayıtdakı görüşdə hesabı açan Baqali Dabo isə “Qəbələ”nin
tarixinə mütləq rekordla düşüb. O, çempionatın bir mövsümündə ən
çox qol vuran futbolçu olub. Qol hesabını 13-ə çatdıran hücumçu
2013/14 mövsümündə rəqib qapılarına 12 dəfə yol tapan Daniel
Subotiçin rekordunu arxada qoyub.
13 qolla hazırda Topaz Premyer Liqasının bombardiri olan Dabo
Azərbaycan çempionatlarındakı qollarının sayını 20-yə çatdırıb. O,
ötən mövsümdə 7 dəfə fərqlənmişdi. Cavid Hüseynov isə Premyer
Liqada 14-cü dəfə “Qəbələ” azarkeşlərinə qol sevinci yaşadıb.
“Qəbələ”yə qələbə qazandıran qolların müəlliflərindən Baqali
ümumilikdə 27-ci, Cavid isə 19-cu dəfə “qırmızı-qara” formada
fərqlənib. Yalnız Viktor Mendi (33) və Dododan (30) geri qalan
fransalı bombardirlər siyahısında 3-cüdür. İlk “üçlük”dən başqa,
Filip Ozobiç (25) və Rövşən Əhmədovdan da (20) geri qalan 6-cı
yerdə qərarlaşan Daniel Subotiçə çatıb.
“Sumqayıt”la matç Dabo üçün daha bir yubileylə əlamətdar olub. O,
“Qəbələ”nin heyətində 60-cı oyununu keçirib. O, bu göstəricidə klub
tarixinin 29-cusudur.
![Publika.az](https://publika.az/assets/main/image/logo-nav.png)
-
İdman03:19
Ailəsi ilə istirahət edir: məkanı gizli saxlayır - FOTOLAR
-
Sağlamlıq02:18
Bu tərəvəz kişiləri prostat xərçəngindən qoruyur - Uroloqdan tövsiyə
-
Magazin101:48
Ebru Gündeşdən boşanma iddialarına CAVAB - FOTO
-
İdman01:20
Məşq edərkən maşın vurdu: Paris-2024-ü buraxacaq
-
Qoroskop00:42
Günün qoroskopu: gəlirləriniz arta bilər
-
Nida Xəbər 00:27
Sərdar Cəlaloğlu namizədliyini geri götürdü - Səbəbini belə izah etdi
-
Magazin100:12
"Ərim deyir ki, üçüncü uşaq olmasa, səni boşayacam" - Sevda Yahyayeva
-
İdman26 İyul 22:00
Azərbaycan nümayəndə heyəti paraddan keçdi - VİDEO