"Qəbələ"nin baş məşqçisi istefa verdi - Rəsmi
Bizi izləyin

İdman

"Qəbələ"nin baş məşqçisi istefa verdi - Rəsmi

"Qəbələ"nin baş məşqçisi istefa verdi - Rəsmi

"Qəbələ” futbol klubu baş məşqçisi Roman Qriqorçukla yollarını ayırdığını rəsmən açıqlayıb.

Publika.az xəbər verir ki, bu qərar Azərbaycan kubokunun final matçının ardından rəhbərliklə ukraynalı mütəxəssis arasındakı görüş zamanı qəbul olunub.

Həmin görüşdə müqavilənin uzadılmaması qərara alınıb. "Qəbələ” İdman Klubu Qriqorçuka 2015-2018-ci illərdə komandadakı uğurlu fəaliyyətinə görə təşəkkür edib, ona gələcək həyatında və karyerasında uğurlar arzulayıb.

Qeyd edək ki, 2015-ci ilin əvvəlindən "Qəbələ”nin baş məşqçisi olan Roman Qriqorçuk bu postda 3,5 mövsüm çalışıb. "Qırmızı-qaralar”la Premyer Liqada 2 dəfə gümüş (2016/2017, 2017/2018), 2 dəfə bürünc (2014/2015, 2015/2016) mükafat qazanan ukraynalı mütəxəssis 2 dəfə Azərbaycan Kubokunun finalına (2016/2017, 2017/2018) qədər irəliləyib. Qriqorçukun rəhbərliyi altında 3 dəfə Avropa Liqasında çıxış edən "Qəbələ” 2015/2016 və 2016/2017 mövsümlərində turnirin qrup mərhələsinə qədər yüksəlib.

Teqlər
Oxumağa davam et
Reklam
Reklam

Gündəm

Zəfaran Hospital
Səba