İdman

31 yaşlı Şarapovanın 17 yaşlı gənclə bu görüntüsü alqışlarla qarşılandı - - FOTO

3 Yanvar 2019 14:45

Dünyaca məşhur rusiyalı tennisçi Mariya Şarapovanın “Şengen Açıq” turnirində 17 yaşlı rəqibinə qarşı göstərdiyi münasibət təqdirlə qarşılanıb.

Publika.az xəbər verir ki, Şarapova çinli Uanq Xinyu ilə qarşı-qarşıya gəlib. Uanq zədə səbəbindən matçdan çəkilmək məcburiyyətində olub. Bununla ¼ finala adlayan Şarapova rəqibinin halına laqeyd qala bilməyib.

Qrand Slam yarışlarında 5 dəfə çempion olan 31 yaşlı professional idmançı rəqibinin yanına gedib və onunla maraqlanıb. Şarapova ona əla mübarizə apardığını deyib və əhvalını yaxşılaşdırmağa çalışıb. Hadisənin görüntüləri sosial mediada paylaşılıb və izləyicilər Şarapovanın idmançı şəxsiyyətini alqışlayıblar.

Qeyd edək ki, Mariya Şarapova yarımfinala qalmaq üçün Belarus təmsilçisi Arina Sabalenka ilə qarşılaşacaq.

Zümrüd