200 ölkəyə ŞAD XƏBƏR: gələn il...

Pandemiya olsa da, olmasa da Tokio Olimpiya Oyunları 2021-ci ildə keçiriləcək.

Publika.az xəbər verir ki, bunu Beynəlxalq Olimpiya Komitəsinin vitse-prezidenti Con Kotes deyib.

Fransanın AFP agentliyinə açıqlama verən vitse-prezident oyunların planlaşdırıldığı kimi 23 iyulda start götürəcəyini bildirib.

Yaponiyada 2011-ci ildə meydana gələn böyük zəlzələ və sunamiyə ithafən “yenidən inşa” məzmunu əsasında hazırlanması planlaşdırılan Tokio Olimpiadasının “tunelin sonundakı işıq, koronavirusa qalib gələn oyunlar” olacağı vurğulanıb.

Tokio 2020 Təşkilat Komitəsinin Baş icraçı direktoru Toşiro Muto bu ilin iyul ayında Tokio Olimpiadasının məhdud sayda tamaşaçı ilə təşkil edilə biləcəyini, açılış və bağlanış mərasimlərinin sadələşdiriləcəyini, bütün ölkələrin heyət və komanda sayının azaldıla biləcəyini açıqlamışdı.

2020 Tokio Olimpiadasına 200-dən çox ölkədən 11 mindən çox idmançının qatılması planlaşdırılırdı.

Xatırladaq ki, 24 iyul-9 avqust tarixlərində keçirilməsi planlaşdırılan 2020 Tokio Olimpiya Oyunları koronavirus pandemiyasına görə 23 iyul-8 avqust 2021 tarixinə təxirə salınıb.

Zümrüd