İbrahimoviç özü barədə filmi təqdim etdi - VİDEO
Bizi izləyin

İdman

İbrahimoviç özü barədə filmi təqdim etdi - VİDEO

İtaliyanın "Milan" klubunun futbolçusu Zlatan İbrahimoviç özü barədə filmin treylerini təqdim edib.

Publika.az xəbər verir ki, futbolçu sözügedən treyleri "Twitter" hesabında paylaşıb.

"Mən Zlatanam" adlı əsər sentyabrda efirə çıxacaq. Treylerdə isveçli hücumçunun gənclik dövründən formalaşmağa başlaması əksini tapıb. Onun rolunu aktyorlar yerinə yetirirlər.

Qeyd edək ki, Zlatan İbrahimoviç İsveç "Malmö"sünün (1999 - 2001) yetirməsidir. O, daha sonra Niderlandın "Ayaks", İtaliyanın "Yuventus", "İnter" və "Milan", İspaniyanın "Barselona", Fransanın PSJ, İngiltərənin "Mançester Yunayted" və ABŞ-ın "Los-Anceles Qelaksi" komandalarında oynayıb. 2001-2016-cı illərdə İsveç yığmasının formasını geyinmiş İbrahimoviç ötən mövsüm "Milan"a qayıdıb. Təcrübəli forvard yığmaya da dönməsinə baxmayaraq, zədə üzündən AVRO-2020-ni buraxmalı olub.

Oxumağa davam et
Reklam
Reklam

Gündəm