• USD 1,7000 0,00% EUR 2,0014 -0,31%
    • GBP 2,3463 -0,22% RUB 0,0234 -0,43%

Şahmatçılarımız Avropa çempionatında mübarizəni davam etdirirlər

Şahmatçılarımız Avropa çempionatında mübarizəni davam etdirirlər

Avqustun 19-da Rumıniyanın Yassa şəhərində şahmat üzrə qadınlar arasında Avropa çempionatının 10-cu turunun oyunları keçirilib.

Publika.az xəbər verir ki, çempionatın son turlarında mübarizə daha da gərginləşir. Təmsilçilərimiz Gülnar Məmmədova Aleksandra Maltsevskaya (Rusiya), Günay Məmmədzadə Lara Şulze (Almaniya), Xanım Balacayeva Yekaterina Pavlidou (Yunanıstan), Xəyalə Abdulla Stephanie Matasaruya (Rumıniya) qalib gəliblər. Gövhər Beydullayeva Olqa Qirya (Rusiya), Turkan Məmmədyarova Anna Gvantseladze (Rusiya), Ülviyyə Fətəliyeva Qerqana Peiçeye (Avropa Şahmat İttifaqı), Ayan Allahverdiyeva Louise Başilina (Almaniya) ilə heç-heçə ediblər. Zeynəb Məmmədyarova Lilit Mkrtçyan (Ermənistan), Nəsrin Babayeva Dina Belenkayaya (Rusiya) uduzublar.

Qitə çempionatının başa çatmasına 1 tur qalmış G.Məmmədova 6-cı, G.Məmmədzadə 11-ci, G.Beydullayeva 26-cı, X.Balacayeva 31-ci, Ü.Fətəliyeva 38-ci, Zeynəb Məmmədyarova 59-cu, T.Məmmədyarova 67-ci, X.Abdulla 71-ci, N.Babayeva 88-ci, A.Allahverdiyeva 101-ci yerdədirlər.

Qitə birinciliyi avqustun 21-dək davam edəcək. Yarışın ümumi mükafat fondu 60 min avro təşkil edir.

Halal Nemət

Xəbər lenti

DAHA ÇOX XƏBƏR