UEFA-dan "Qalatasaray"a ŞOK CƏZA
Bizi izləyin
Zəfaran

İdman

UEFA-dan "Qalatasaray"a ŞOK CƏZA

UEFA-dan "Qalatasaray"a ŞOK CƏZA

UEFA Türkiyənin "Qalatasaray" klubunu cəzalandırıb.

Publika.az xəbər verir ki, səbəb kimi "sarı-qırmızılar"ın sentyabrın 30-da Fransada "Marsel"ə qarşı keçirdiyi UEFA Avropa Liqasının qrup mərhələsinin II tur oyununda baş verən hadisələr göstərilib.

İstanbul təmsilçisi avrokuboklarda növbəti iki səfər oyununa azarkeşsiz çıxacaq. Qonaq komandanın fanatları "Marsel"lə matçda müxtəlif pirotexniki vasitələrdən istifadə edib və meydana yad əşyalar atıb.

"Sarı-qırmızılar" həmçinin 50 min avro məbləğində cərimələnib. Bundan əlavə, klub stadiona dəymiş ziyana görə "Marsel"ə 8 000 avro ödəyəcək.

Qeyd edək ki, qarşılaşma qolsuz bərabərliklə yekunlaşıb. Görüş iğtişaşlar səbəbindən 37-ci dəqiqədə dayandırılıb. Hər iki komandanın tərəfdarları müxtəlif pirotexniki vasitələrdən istifadə edərək, bir-birilərinə məşəl atmağa başlayıblar.

Polis müdaxilə edərək fanatları dağıtmaq məqsədi ilə gözyaşardıcı qazdan istifadə edib.

Teqlər
Oxumağa davam et
Reklam
Reklam

Gündəm

Səba