İdman

İnkişaf etmişik, amma… - Alonso

30 Mart 2022 12:03

“Alpin” komandasının pilotu Fernando Alonso bolidin performansından razı qalsa da, mübarizəni niyə dayandırdıqlarını araşdıracaqlarını bildirib.

Publika.az xəbər verir ki, ispaniyalı sürücü Ciddə yarışında inamla 6-cı yeri tutmağa doğru gedirdi, amma birdən-birə yavaşladı və mübarizəni dayandırmalı oldu.

Fernando Alonso: “Həm Bəhreyndə, həm də burada çox yaxşı mübarizə apardım. Bəhreyndə yarışa düzgün təkərlə başlamadıq və bu da strategiyamıza təsir etdi. Motor da yaxşı vəziyyətdə deyildi. Bu həftə isə daha sürətli idik. Sıralanma turunda 7-ci oldum, amma 5-ci yeri tuta bilərdim. Buna görə də yarışda ötmələr etməli oldum. Mövsümə yaxşı başlasaq da, sadəcə 2 xala sahib olmaq məyusedicidir. Ancaq mövsüm uzundur və növbəti yarışlarda biz qalib gələ bilərik”.