Məmmədyarov növbəti görüşlərini keçirəcək
Bizi izləyin

İdman

Məmmədyarov növbəti görüşlərini keçirəcək

Məmmədyarov növbəti görüşlərini keçirəcək

Azərbaycan şahmatçısı Şəhriyar Məmmədyarov bu gün norveçli dünya çempionu Maqnus Karlsenin təşkil etdiyi "Champions Chess Tour" onlayn seriyasının dördüncü mərhələsində növbəti görüşlərini keçirəcək.

Publika.az-ın məlumatına görə, 37 yaşlı qrossmeyster "Chessable Masters" adlanan turnirin IX turunda ağ fiqurlarla norveçli Aryan Tari ilə üz-üzə gələcək.

Məmmədyarov X turda isveçli Nils Qrandeliusla qara, XI turda hindistanlı Rameşbabu Praqqnanandha ilə ağ fiqurlarla oynayacaq. Təcrübəli şahmatçı XII turda digər hindistanlı rəqibi Pentala Harikrişna ilə qarşılaşacaq. O, qara fiqurlarla mübarizə aparacaq.

Qeyd edək ki, turnirin mükafat fondu 210 000 ABŞ dollarıdır. 9 xala malik Məmmədyarov 8 görüşdən sonra Qrandeliusla birlikdə 10-11-ci yerləri bölüşdürür. "Chessable Masters"də 16 zəka sahibi çıxış edir.

Teqlər
Oxumağa davam et
Reklam
Reklam

Gündəm

Zəfaran Hospital
Səba