Ronaldo: Bunlara görə futbol üçün darıxacağam

“Əl-Nəsr”in hücumçusu Kriştiano Ronaldo maraqlı açıqlama verib.

Publika.az xəbər verir ki, portuqaliyalı superulduz karyerasını bitirdikdən sonra nələr üçün darıxacağını açıqlayıb:

“Düşünürəm ki, qol vurduqdan sonra adrenalin üçün darıxacağam. Əsəbi olmaq üçün darıxacağam. Bütün digər sahələrdə hər şey nəzarətim altındadır. Ətrafımda düzgün insanlar var, yaxşı biznesim, yaxşı gəlirim var, amma daha futbol adrenalini olmayacaq.

Ona görə də futbolda çoxlarından bir az irəli getdim. 40 yaşım olacaq. Amma futbola hər şeyimi verirəm. 40, 41, 42 - fərq yoxdur.

25 ildir ki, gücümü futbola verirəm, yaşım imkan vermədiyi üçün artığını edə bilmirəm. Ona görə də özümə belə yaxşı baxıram və işləməyə davam edirəm. Başa düşürəm ki, daha iki-üç il də yaxşı bir şey edə bilərəm.

Getdikdən sonra yəqin ki, bir az çaşqın olacam. Ağlayacağımı düşünürlər? Bir az daha həssas olduğum üçün bəlkə də göz yaşı olacaq. Amma narahat olacağım başqa şeylər var. Qarşıda məni yeni iş dövrü gözləyir və bu, həyəcanvericidir. Bu da çətin olacaq”.

Heybət