İdman

"Real"ın futbolçusu əməliyyat olundu: Mövsümü bitirdi

20 Noyabr 2024 10:09

"Real"ın futbolçusu Eder Militao dizindəki çarpaz bağın qopmasından sonra uğurla əməliyyat olunub.

Publika.az xəbər verir ki, müdafiəçi tezliklə reabilitasiya proqramına başlayacaq. Bu barədə İspaniya klubunun rəsmi saytı məlumat yayıb.

Onun bu mövsüm meydana qayıdacağı real görünmür.

Xatırladaq ki, braziliyalı noyabrın 9-da İspaniya La Liqasının 13-cü turunun “Osasuna” ilə oyununda (4:0) zədələnib. Futbolçu 2023-cü ilin avqustunda oxşar zədə alıb. O, sol dizindəki çarpaz bağın yırtılması səbəbindən 7 ay yaşıl meydanlardan kənarda qalıb.

Qeyd edək ki, bu mövsüm Militao "Real" üçün bütün yarışlarda 16 oyun keçirib, 1 qol vurub və 1 məhsuldar ötürmə edib. Futbolçunun klubu ilə müqaviləsi 2028-ci ilin yayına qədərdir.

Heybət