"Barselona" onları qeydiyyatdan keçirmək üçün görün nəyə məcbur oldu

"Barselona" La Liqanın ikinci hissəsi üçün yarımmüdafiəçi Dani Olmo və hücumçu Pau Viktoru qeydiyyatdan keçirə bilər.

Publika.az xəbər verir ki, bu barədə “Marca” məlumat yayıb.

Mənbənin sözlərinə görə, Kataloniya klubunun prezidenti Xoan Laporta yenidən qurulan "Kamp Nou" stadionunda VİP zonasını 100 milyon avroya satmaqla maliyyə məhdudiyyətlərini aradan qaldırmağın yolunu tapıb. Bu vəsait oyunçuların qeydiyyatı üçün kifayət edəcək.

"Diario Sport"un məlumatına görə, "Barselona"nın prezidenti məhkəmənin qərarı ilə Dani Olmonun qeydiyyatdan keçməsinə imkan yaranacağına da ümid edir. O, son dəqiqəyə qədər gözləyəcək. Stadionun oturacaqları ilə bağlı sənədlər artıq direktorlar şurası tərəfindən təsdiqlənib. Çatışmayan yeganə məqam Laportanın imzasının olmamasıdır.

Xuan ilk növbədə La Liqanın Qətərlilərlə razılaşmanı təsdiqləyəcəyinə və iqtisadi maneələri aradan qaldırmaq üçün kifayət hesab edəcəyinə əmin olmaq istəyir. Artıq müvafiq sənədlər yoxlanılması üçün liqaya göndərilib.

Heybət