İdman

Agenti Yamala görün kimi nümunə göstərib

31 Dekabr 2024 15:05

"Barselona"nın vingeri Lamin Yamalın agenti Jorje Mendeş maraqlı açıqlama verib.

Publika.az xəbər verir ki, o, 17 yaşlı futbolçuya "Əl-Nəsr"in hücumçusu Kriştiano Ronaldodan nümunə götürməyi tövsiyə etdiyini deyib:

“Yamal hələ çox gəncdir, lakin onu çox böyük gələcək gözləyir. Ən yüksək səviyyədə uğur qazanmaq və bir nömrə olmaq üçün hər cür şəraiti var. Düşünürəm ki, Kriştiano Lamin və bütün gənc oyunçular üçün əla nümunədir. Demək olar ki, heç kimin çatmadığı səviyyədir. Bu gün onun 1000 qol vurmaq hədəfi var. Heç kimin bacarmadığına nail olub.

Lamin təkcə meydanda deyil, həm də meydandan kənarda Kriştianonun karyerasını idarə etməsi baxımından yaxşı nümunəyə malikdir. Onun 40 yaşı var, amma hələ də yarışmağa davam edir. Bu, çox gözəl nümunədir”

Qeyd edək ki, bu mövsüm Lamin Yamal "Barselona"nın heyətində bütün turnirlərdə 21 oyun keçirib, 6 qol və 12 məhsuldar ötürmə ilə yadda qalıb. Onun Kataloniya klubu ilə müqaviləsi 2026-cı ilə qədərdir.

Heybət