İdman

Beşinci dəfə cərimələndi: bu dəfə görün nə etdi

15 Yanvar 2025 20:35

“Minnesota Timbervulves”in ulduzu Entoni Edvards NBA tərəfindən növbəti dəfə cərimələnib.

Publika.az xəbər veri ki, bu barədə ESPN məlumat yayıb.

Müdafiəçi “Memfis”lə oyunda hakimlərə qarşı nalayiq jestlərə görə 50 min dollar ödəməlidir.

İdmançı artıq bu qərarına münasibət bildirib və bundan sonra özünü layiqli aparacağını bildirib: “Mən gənc və axmaq bir səhv etdim. Bu jest hakimlərə qarşı deyildi, mən sərçələrə atəş edirdim. Hər şeyi başa düşürəm, daha cərimələr olmayacaq. Ümumiyyətlə heç nə deməyəcəyəm və göstərməyəcəyəm”.

Qeyd edək ki, bu, Edvardsın bu NBA mövsümündə beşinci cəriməsidir. Bundan əvvəl basketbolçu canlı yayımda söyüş söydüyünə görə 100 min dollar, hakimləri tənqid etdiyinə görə 75 min dollar, mediada söyüşə görə 25 min dollar, yerdə nalayiq jestlərə görə 35 min dollar cərimə olunmuşdu. O, ümumilikdə 285 min dollar cərimə edilib.