Prezident “Real”ı biabır etdi: Bu, oliqarxların futboludur

La Liqanın prezidenti Xavyer Tebas “Real Madrid”in İspaniya çempionatının oyunlarında hakimliklə bağlı şikayətlərinə sərt cavab verib.

Publika.az xəbər verir ki, Tebas “Real”ın prezidenti Florentina Peresi də kəskin tənqid edib.

“Son həftələrdə hakimliklə bağlı çox mübahisələrimiz oldu. “Real” mübahisə yaradır və yalan tarix yazır, bütün futbolu sual altına alır. Bu, şifahi olaraq aqressiv və manipulyasiya hekayəsidir. Bütün günü ağlayan bir klub olan “Real”la razılaşmayan “kral klubu”nun bir çox azarkeşlərini tanıyıram. Bu həftə sonu ağlayırlar, gələn həftə sonu ağlayacaqlar və bunların hamısı bir sui-qəsddir.

VAR-a çox diqqət yetirilir. Biz hakimlik sistemini dəyişmək istəyirik. Digər klublarla sorğu keçirsəniz, VAR-dan ən çox “Real” və “Barsa”nın faydalandığını söyləyəcəklər.

Peresin futbolu insanları aldadır. Bu, oliqarx futboludur, bu ancaq varlıların futboludur. O, pul paylamaq da daxil olmaqla, hər şeyə qərar vermək istəyir. Madridizm qış yuxusundadır. Bəzi “Real” azarkeşləri Florentinonun etdiyi hər şeyə hörmət etməklə səhv edirlər. Azarkeşlərin müstəqil fikri olmalıdır. “Real” qalib gələndə sevinirəm. “Real” Çempionlar Liqasını qazananda çox sevindim. Mən “Real” azarkeşiyəm, amma Florentin Peresin fanatı deyiləm”, – Tebas deyib.