İdman

Dəhşətli qəzadan sağ çıxan futbolçu DANIŞDI

25 Mart 2025 07:55

“Vest Hem” in hücumçusu Mikail Antonio 2024-cü ilin dekabrında baş vermiş dəhşətli avtomobil qəzası barədə xatirələrini danışıb.

Publika.az xəbər verir ki, o, hadisə anında huşunun yerində olduğunu, polis və onu tapan şəxslərlə danışdığını söyləsə də, heç nə xatırlamadığını deyib:

“Polis məni iki oturacaq arasında tapdı. Dedilər ki, pəncərədən çıxmağa çalışmışam, amma sınmış ayağımın ağrısı məni çölə çıxmağa imkan verməyib”.

O, “Ferrari” markalı avtomobilinin zədələnmiş vəziyyətini nəzərə alaraq, qəzadan sağ çıxdığına görə şaddır. Əvvəlcə bərpa prosesinin 12 aya qədər çəkəcəyi gözlənilirdi, lakin indi onun gələn ay fərdi məşqlərə qayıdacağı bildirilir:

“Bu, mənə ölümə nə qədər yaxın olduğumu dərk etdirdi. Fotoları gördüm, amma vəziyyətim 10 dəfə pis idi. Maşın dəhşətli vəziyyətdədi. Çətin idi, amma mən həmişəkindən daha yaxşı oldum. Terapiya mənə çox kömək etdi".