Mbappe "Real" rəhbərliyindən xahiş etdi: Onu alın

"Real"ın hücumçusu Kilian Mbappe klub rəhbərliyindən "Arsenal"ın mərkəz müdafiəçisi Uilyam Salibanın transferi ilə bağlı danışıqlara başlamağı xahiş edib.

Publika.az xəbər verir ki, bu barədə "Defensa Central" məlumat yayıb.

Mənbənin sözlərinə görə, Kilian komandanın yay transfer pəncərəsində Salibanı almasını istəyir.

Bildirilir ki, Madrid klubunun rəhbərliyi Uilyamı əla variant hesab etsələr də, onun transferinin baha başa gələcəyindən qorxurlar. Fransız futbolçunun bazar dəyəri 80 milyon avrodur. Onun müqaviləsinin 2027-ci ilin yayına qədər olduğunu nəzərə alsaq, "Arsenal"ın transfer üçün təxminən 100 milyon avro tələb edəcəyi proqnozlaşdırılır.

"Real"ın strategiyası isə oyunçunun nümayəndələri ilə yaxşı əlaqə yaratmaq və müqaviləsinin sona yaxınlaşmasını gözləməkdir. Bu, transferin 2026-cı ildə endirimli qiymətə, hətta 2027-ci ildə pulsuz həyata keçirilməsinə imkan verəcək.

Qeyd edək ki, bu mövsüm 24 yaşlı fransız 43 oyun keçirib və 2 qol vurub.

Heybət