Ukrayna-Azərbaycan oyununa baxmağa gedən əfsanəvi futbolçu niyə həbs olunub?

Kiyev “Dinamo”sunun keçmiş futbolçusu, 63 yaşlı İvan Yaremçuk Polşa həbsxanasındadır.

Publika.az xəbər verir ki, ailəsi 10 gündən artıqdır onunla əlaqə saxlamayıb.

Bu məlumatı “Champion”a İvanın Belçikada onunla birlikdə yaşayan qardaşı Mixail Yaremçuk da təsdiqləyib:

“Vanya Ukrayna – Azərbaycan oyunundan bir gün əvvəl, oktyabrın 10-da Belçikadan Polşaya uçdu. O, futbol biznesi ilə səyahət edirdi – adətən milli komanda oyunlarından əvvəl qardaşımın ənənəvi olaraq iştirak etdiyi veteranlar oyunu təşkil edirlər. Lakin Krakov hava limanında İvan gözlənilmədən polis tərəfindən həbs edildi.

Mənə zəng edib polis tərəfindən saxlanıldığını bildirdi. Amma mən o vaxt dil kursunda idim və danışa bilmirdim. Çölə çıxıb yenidən zəng edəndə qardaşımla əlaqə saxlaya bilmədim. Veteranların oyunlarını təşkil edən uşaqlarla əlaqə saxladım və onlar vəziyyəti araşdırmağa başladılar. Hava limanında İvanın polis tərəfindən həbs olunduğuna dair təsdiq aldılar. Onun işi prokurorluğa, 3-cü şöbəyə verilib. İşə Krakov məhkəməsində baxılacaq”.

Bütün bu müddət ərzində Yaremçukun qohumları İvanla əlaqə saxlaya bilməyiblər.

“10 gündən çox vaxt keçdi” deyə Mixail narahat olub:

“Hər gün zəng edirəm, amma əlaqə yoxdur. Bacım da eyni vaxtda zəng edir – o, yanımdadır, söhbətimizə qulaq asır. Vanyanın niyə həbs olunduğunu bilmirik. Polşada yaşayan dostlarımız polisə zəng vurub və dedilər ki, guya İvanın Çexiyada qalması ilə bağlı olub.

Belçikaya köçməzdən əvvəl qardaşım həqiqətən də 18 ay Praqada yaşayıb. Amma onun konkret nədə ittiham olunduğunu bilmirik, çünki Vanya əvvəllər heç bir problem olmadan Avropanı gəzib, veteranların oyunlarında iştirak edib. Biz İvana kömək etmək istəyirik və hazırda qardaşımın işi ilə məşğul ola biləcək vəkil axtarırıq”.