İdman

Məşhur basketbolçuya xərçəng diaqnozu qoyuldu

1 Noyabr 2025 03:44

“Oklahoma Siti”nin basketbolçusu Nikola Topic testis xərçəngi diaqnozu qoyulduqdan sonra kimyaterapiyaya başlayıb.

Publika.az xəbər verir ki, ESPN klubun baş meneceri Sem Prestidən sitat gətirib.

Dünən, oktyabrın 30-da mətbuat konfransı zamanı Presti Topiç ətrafındakı vəziyyətə toxunub. Baş menecer deyib ki, həkimlər 20 yaşlı serbin uzunmüddətli perspektivləri ilə bağlı son dərəcə nikbindir.

Qeyd edək ki, Topiç oktyabrın əvvəlində Hyustondakı MD Anderson Xərçəng Mərkəzində biopsiyadan keçib. Nəticələri aldıqdan sonra o, kimyaterapiyaya başlayana qədər diaqnozunu ictimaiyyətə açıqlamamağı xahiş edib.

“Onun üçün yeganə gözləntimiz diqqətini müalicəsinə yönəltməkdir. Bu, onun əsas prioritetidir. O, bacardığı zaman basketbola qayıdacaq, lakin açıq-aydın bizim heç bir zaman məhdudiyyətimiz və ya gözləntilərimiz yoxdur. O, bizim tam dəstəyimiz, təşviqimiz və sevgimizə malikdir”, - Presti deyib.