Bir məğlubiyyətlə yeri zəiflədi: Qovulacaq?
Bizi izləyin
Aptekonline

İdman

Bir məğlubiyyətlə yeri zəiflədi: Qovulacaq?

“Atalanta”nın baş məşqçisi İvan Yuriç istefa təhlükəsi ilə üz-üzədir.

Publika.az xəbər verir ki, bu barədə “Sport Mediaset” məlumat yayıb.

Komanda yeni mövsümə uğursuz start verib. A Seriyasının ilk 9 turunda 7 dəfə heç-heçə edib və 1 noyabrda “Udineze”yə 0:1 hesabı ilə uduzaraq ilk məğlubiyyətini alıb. Çempionlar Liqasında isə “Atalanta” 3 turdan sonra cəmi 4 xalla turnir cədvəlində 17-ci pillədə qərarlaşıb.

Məğlubiyyətdən sonra Yuriçin durumu çox gərgindir. Klub rəhbərliyi onun yerinə iki namizədi nəzərdən keçirir — Tyaqo Motta və Raffaele Palladino. Qeyd olunur ki, Mottanın hələ də “Yuventus”la müqaviləsi var. Baxmayaraq ki, o, bu ilin martında istefaya göndərilib.

Yuriç “Atalanta”ya bu ilin iyununda baş məşqçi təyin oluub. O, ötən mövsüm iki dəfə “Roma” və “Sauthempton”dan qovulub.

Oxumağa davam et
Reklam
Reklam

Gündəm

Aptekonline