İdman

Qurban Qurbanov: Elçin Məsiyev elə-belə penalti verməz

9 Noyabr 2025 21:41

“Qarabağ”ın baş məşqçisi Qurban Qurbanov Azərbaycan Premyer Liqasının 11-ci turu çərçivəsində “Neftçi”yə qarşı keçirdikləri ev oyunu haqda danışıb.

Publika.az xəbər verir ki, o, 2:0 hesablı qələbəni belə şərh edib:

“Başda cənab Prezident olmaqla hər kəsin bayramını təbrik edirəm. Böyük zəfərdir. Stadionda bayram əhval-ruhiyyəsi var idi. Bizim azarkeşlərlə “Neftçi”nin azarkeşlərinin 44-cü dəqiqəni belə qeyd etməsi çox xoş oldu.

Çox vacib qalibiyyət oldu. Hər iki komandanın oyunçuları yaxşı oyun göstərdi. Çempionatımızda belə oyunlar hər zaman olsa, futbol daha çox inkişaf edər. Qarşıda millimizin oyunu da var. Onlara uğurlar arzu edirəm.

“Neftçi”nin son oyunlarında çox irəliləyiş var. Çox sağlam oynayırlar. Get-gedə futbolçular bir-birlərini tanıyır və anlayır”.

Qurbanov Samir Abasovun narazı qaldığı penalti epizodunu da şərh edib:

“Penaltiyə baxmadım, lakin Elçin Məsiyev elə-belə penalti verməz. Onun böyük təcrübəsi var”.

Heybət