DÇ-2026: Fransa və Portuqaliya bu gün "bilet" əldə edəcəklər?

Bu gün DÇ-2026-nın seçmə mərhələsinin Avropa zonasında son təsnifat oyunlarına start veriləcək.

Publika.az xəbər verir ki, ilk gündə 4 qrupda 8 matç baş tutacaq.

D qrupunda millimizin İslandiyanı qəbul edəcəyi barədə məlumat vermişdik. Qrupun digər matçında Fransa Ukraynanı qəbul edəcək. "Xoruzlar" bu görüşdə qələbə qazanacaqları təqdirdə mundiala vəsiqəni təmin edəcəklər.

F qrupunda Portuqaliya İrlandiya səfərinə yollanacaq. Kriştiano Ronaldonun kapitanı olduğu yığmaya DÇ-2026-a yollanmaq üçün 1 xal da kifayət edir.

I qrupunun lideri Norveç Estoniyanı qəbul edəcək. Mundiala vəsiqə şanslarını qoruyan İtaliya yığması isə Moldovanın qonağı olacaq.

K qrupunda isə İngiltərə millisi mundiala vəsiqəni erkən qazanıb. Pley-offa yollanmaq şansı qazandıran ikinci yer üçün Albaniya və Serbiya arasında mübarizə gedir.

DÇ-2026 seçmə mərhələ: Avropa zonası
13 noyabr
D qrupu
21:00 Azərbaycan - İslandiya
23:45 Fransa - Ukrayna
Xal durumu: Fransa 10, Ukrayna 7, İslandiya 4, Azərbaycan 1.

F qrupu
21:00 Ermənistan - Macarıstan
23.45 İrlandiya - Portuqaliya
Xal durumu: Portuqaliya 10, Macarıstan 5, İrlandiya 4, Ermənistan 3.

I qrupu
21:00 Norveç – Estoniya
23:45 Moldova - İtaliya
Xal durumu: Norveç 18 (6), İtaliya 15 (6), İsrail 9 (7), Estoniya 4 (7), Moldova 1 (6).

K qrupu
23:45 Andorra – Albaniya
23:45 İngiltərə - Serbiya
Xal durumu: İngiltərə 18 (6), Albaniya 11 (6), Serbiya 10 (6), Latviya 5 (7), Andorra 1 (7).