İran Hörmüz boğazından keçid şərtlərini açıqladı
Bizi izləyin
Aptekonline

Region

İran Hörmüz boğazından keçid şərtlərini açıqladı

İran Hörmüz boğazından keçid şərtlərini açıqladı

“Hörmüz boğazı yalnız ABŞ, İsrail və onların müttəfiqləri üçün bağlıdır”.

Publika.az xəbər verir ki, bu barədə İranın xarici işlər naziri Abbas Əraqçi "MS Now" telekanalına müsahibəsində bildirib.

"Hörmüz boğazı açıqdır, o yalnız düşmənlərimizə, bizə və müttəfiqlərimizə hücum edənlərə məxsus olan tankerlər və gəmilər üçün bağlıdır", — deyə o qeyd edib.

Əraqçinin sözlərinə görə, İran "qana qan" prinsipini rəhbər tutaraq, ABŞ-ın zərbələrinə cavab olaraq Fars körfəzi ölkələrindəki obyektlərə hücum edir.

Bundan əvvəl İran hərbçilərinin Hörmüz boğazında bir gəmiyə zərbə endirdiyi məlum olmuşdu.

SEPAH komandanının müşaviri İbrahim Cabari qeyd edib ki, boğazdan keçməyə cəhd edən istənilən gəmi yandırılacaq. O əlavə edib ki, İran, həmçinin zərurət yaranacağı təqdirdə Yaxın Şərqdəki bütün boru kəmərlərinə zərbələr endirməyə və regiondan neft ixracını bloklamağa hazırdır.

Hüseyn İbadlı

Oxumağa davam et
Reklam
Reklam

Gündəm

Aptekonline