İdman

FİFA Ronaldonu diskvalifikasiya etdi

25 Noyabr 2025 21:20

Beynəlxalq Futbol Federasiyasının (FİFA) İntizam Komitəsi Kriştianu Ronaldunu İrlandiya ilə oyunda qırmızı vərəqə aldığı üçün Portuqaliya yığmasının bir oyunundan kənarlaşdırıb.

Publika.az xəbər verir ki, bu barədə "Mundo Deportivo" məlumat yayıb.

Qeyd olunub ki, diskvalifikasiya artıq başa çatıb, çünki portuqaliyalı futbolçu Ermənistanla oyunu buraxıb.

Ronaldu milli yığmaların, Avropa çempionatlarının və Çempionlar Liqasının tarixində ən yaxşı bombardirdir. O, həmçinin rəsmi oyunlarda 900 qol həddinə çatan ilk futbolçudur. Portuqaliyalının aktivində beş Çempionlar Liqası qələbəsi, 2016-cı il Avropa çempionatının qızıl medalı və iki dəfə UEFA Millətlər Liqasının qalibi titulu var.

Ronaldu 2006–2022-ci illər arasında ardıcıl beş dünya çempionatında qol vuran yeganə oyunçu olaraq qalır. Əgər hazırkı seçmə mərhələ Portuqaliya uğurla təsnifatı başa vurarsa, Ronaldo mundialın final mərhələlərində yeddinci dəfə iştirak etmiş olacaq.

Hüseyn İbadlı