İdman

"Arsenal" "Çelsi"ni yarımfinaldan kənarlaşdırdı

4 Fevral 2026 07:30

Londonun "Arsenal" klubu İngiltərə Liqa Kubokunun finalına vəsiqə qazanıb.

Publika.az xəbər verir ki, ispaniyalı mütəxəssis Mikel Artetanın yetirmələri yarımfinal mərhələsində "Çelsi"ni turnirdən kənarlaşdırmağı bacarıb.

Komandalar arasındakı cavab qarşılaşması "topçular"ın 1:0 hesablı qələbəsi ilə başa çatıb. Görüşün taleyini həll edən yeganə qolu oyunun əsas vaxtına əlavə olunmuş 8-ci dəqiqədə almaniyalı hücumçu Kay Haverts rəqib qapısından keçirib.

Xatırladaq ki, tərəflər arasında baş tutan ilk oyunda da "Arsenal" səfərdə 3:2 hesablı qələbə qazanmışdı.

Finaldakı rəqib kim olacaq?

Turnirin digər finalçısı isə "Mançester Siti" və "Nyukasl Yunayted" cütlüyünün qalibi olacaq. Bu komandalar arasında keçirilən ilk görüşdə "şəhərlilər" 2:0 hesabı ilə qalib gəliblər. Cavab oyunu bu gün, fevralın 4-də Mançesterdə baş tutacaq.

Hüseyn İbadlı