Bu da Ronaldonun məşhurlaşan baldızı: Görün Kriştiano haqda nə deyir - FOTOLAR

Artıq sosial şəbəkələrin yeni yeni bir qəhrəmanı var. Söhbət ulduz futbolçu Kriştiano Ronaldunun nişanlısı Corcinanın bacısı - İvana Rodriqesdən gedir.

Publika.az xəbər verir ki, o, müasir dövrdə influenser adlandırılan insanların tipik nümunəsidir. Onun “Instagram”da 833 min izləyicisi var və bu platforma vasitəsilə dəbli və ya o qədər də tanınmayan brendlərin reklamını edir, müxtəlif tədbirləri təşviq edir.

Təbii ki, İvana 2022-ci ildə başlayan və 2024-cü ilə qədər davam edən "Netflix"-in “Mən – Corcinayam” realiti-serialında da iştirak edib. Düzdür, son seriyalarda o artıq görünmürdü və media bacıların nəyəsə görə mübahisə edib sosial şəbəkələrdə bir-birini blokladığı barədə şayiələr yaymışdı. Bu isə tamamilə əsassızdır. Sosial şəbəkələrə baxmaq kifayətdir ki, onların birgə fotolarını görəsən.

İvana 2018-ci ildən Karlos Qarsiya ilə münasibətdədir, 2021-ci ildə isə cütlüyün bir qızı dünyaya gəlib.

Ailələr tez-tez birlikdə vaxt keçirir. İvananın Corcina və Kriştianonun uşaqları ilə çoxsaylı fotoları var. Rodriges bacıları birlikdə böyük futbol turnirlərinə də yollanırlar. Portuqaliya millisinin və şəxsən Ronaldunun azarkeşi kimi oyunları izləyirlər. İvana 2022-ci ildə Qətərdə, 2024-cü ildə isə Almaniyada olub və böyük ehtimalla 2026-cı ilin yayında Şimali Amerikaya da gedəcək.

“Biz onunla çox şanslıyıq, o, əsl qürurdur. Onunla bir süfrə arxasında oturanda sadəcə düşünürəm: "Qoy danışmağa davam etsin, çünki istəyirəm ki, bütün bu biliklər beynimə hop­sun". Bir də hamının danışdığı başqa bir obraz var – böyük futbolçu və böyük idmançı”, – deyə İvana Rodriges Portuqaliya millisinin kapitanı barədə fikirlərini bölüşüb.

Baldızının Kriştiano barədə dediklərini nəzərə alsaq, Portuqaliyanın 2026-cı il dünya çempionatındakı mümkün qələbəsini öz qələbəsi kimi qəbul edəcək. Yəqin ki, argetninalı olması buna mane olmayacaq.

Publika.az