İdman

"Real"da növbəti gərginlik: Arbeloa ilə yola getmir

9 Fevral 2026 16:08

“Real”ın baş məşqçisi Alvaro Arbeloa komandanın müdafiəçisi Daniyel Karvahal ilə demək olar ki, ünsiyyət qurmur.

Publika.az xəbər verir ki, bu barədə "El Chiringuito" məlumat yayıb.

“Kral klubu”nun futbolçusu hesab edir ki, oynamağa hazırdır, lakin baş məşqçi onun ehtiyatda qalmasının səbəbini izah etmir. Komandanın kapitanı olan Karvahalın Madrid təmsilçisi ilə mövcud müqaviləsi 2026-cı il iyunun 30-da başa çatır.

Müdafiəçi 2013-cü ildən “Real”ın formasını geyinir. Bu müddət ərzində o, bütün turnirlərdə 436 oyuna çıxıb, 14 qol vurub və 65 məhsuldar ötürmə edib. Cari mövsümdə Karvahal Madrid klubunun heyətində 10 matç keçirib və qol və ya assistlə yadda qalmayıb. "Transfermarkt" portalının məlumatına görə, futbolçunun transfer dəyəri 7 milyon avro təşkil edir.

Heybət