İdman

“Barselona” onu transfer etmək üçün görün kimi təklif edəcək

10 Fevral 2026 05:45

“Tottenhem”in müdafiəçisi Kristian Romeronun klubdakı qeyri-müəyyən görünür.

Publika.az xəbər verir ki, Argentina millisinin üzvü “Mançester Yunayted”lə oyunda meydandan qovulduqdan sonra dörd matçlıq cəzalı duruma düşüb. Məlumatlara görə, bu hadisədən sonra Romero yayda London klubunu tərk edə bilər.

“Atletiko” ona marağını yenidən artırıb. “Barselona” və “Real” da mübarizəyə qoşulub.

Romero 2029-cu ilə qədər müqaviləyə malikdir və bu, mümkün transferin baha başa gələcəyini göstərir. “Barselona” məbləği azaltmaq üçün Ronald Arauxonun da daxil ola biləcəyi mübadilə variantını nəzərdən keçirir, lakin Kataloniya klubunun maliyyə problemləri hələ də ciddi maneə olaraq qalır.

“Barselona”nın nikbinliyinə baxmayaraq, bəzi mənbələr hazırda yarışda “Real Madrid”in öndə olduğunu bildirir.

Bu mövsüm Romero 28 oyunda meydana çıxıb, 4 qol vurub və 4 məhsuldar ötürmə edib.