Qurbanov Bəhlulun Çinə mümkün transferi ilə bağlı danışdı

"Qarabağ"ın daha bir futbolçusuna transfer təklifi gəlib.

Publika.az xəbər verir ki, bu barədə Qurban Qurbanov "Şamaxı" - "Qarabağ" oyunundan sonra keçirilən mətbuat konfransında məlumat verib.

O bildirib ki, futbolçuları komandada saxlamaq asan deyil:

"Bu gün də oyundan sonra bir futbolçu yaxınlaşıb deyir ki, mənə yaxşı təklif var. Getməyimi istəyirsiniz, yoxsa qalmağımı? Bu futbolçuları komandada saxlamaq asan deyil. Bir az sakitləşməyə çalışırıq. Yenə belə xəbərlər gəlir. Xoşagəlməz deməzdim, futbolçunu da başa düşmək lazımdır. Sadəcə təkliflər elə yerlərdən gəlir ki, oraya yalnız pula görə getmək olar. Pul da elə təklif edirlər ki, bunlara yox da demək olmur. Çalışırıq ki, onları oyunlara yaxşı hazırlayaq".

"Bəhlulun Çinə transferi ilə bağlı bir neçə detallar oldu. Onun özü ilə danışıb, razılaşmışdım. Mən Bəhlulun tərəfində idim. Bəzi detallar var ki, dərinliyə getmək lazım deyil", - deyə baş məşqçi qeyd edib.

Qeyd edək ki, qarşılaşma "Qarabağ"ın 2:1 hesablı qələbəsi ilə başa çatıb.