İdman

Bu oyun Messiyə görə təxirə salındı

12 Fevral 2026 14:32

“İnter Mayami” hücumçu Lionel Messinin zədələnməsi səbəbindən Ekvadorun “İndependiente del Valle” klubu ilə yoldaşlıq oyununu təxirə salıb.

Publika.az xəbər verir ki, görüş fevralın 14-nə planlaşdırılmışdı. İndi isə matç fevralın 26-na keçirilib.

Bununla bağlı argentinalı ulduz klubun mətbuat xidmətinə açıqlama verib:

“Təəssüf ki, son oyunda əzələlərimdə gərginlik hiss etdim, amma sizinlə görüşü çox gözləyirdik. Buna görə klubla birlikdə alternativ tarix tapmağa çalışdıq ki, mən Puerto-Rikoya gələrək oynaya bilim. Bilirik ki, siz “İnter Mayami” oyunlarını necə həyəcan və maraqla izləyirsiniz. Biz bunun tezliklə reallaşması üçün əlimizdən gələni edəcəyik”.

Qeyd edək ki, 38 yaşlı argentinalı futbolçu fevralın 8-də Ekvador “Barselona”sı ilə keçirilən yoldaşlıq oyununda (2:2) zədələnib. O, həmin oyunda həm qol vurub, həm də məhsuldar ötürmə edib.

Heybət