"Qarabağ" "Nyukasl"a böyük hesabla uduzdu - Video/Yeniləndi

"Qarabağ" UEFA Çempionlar Liqasının pley-off mərhələsində ilk oyununu keçirib.

Publika.az xəbər verir ki, İngiltərənin "Nyukasl" klubu ilə qarşılaşan Qurban Qurbanovun baş məşqçisi olduğu kollektiv 1:6 hesabı ilə uduzub.

Tofiq Bəhramov adına Respublika stadionunda baş tutan matçda qonaq komandanın qollarını Entoni Qordon (3, 32-pen, 34, 45+1-pen), Malik Tşau (9) və Ceykob Merfi (72) vurublar. Ağdam təmsilçisinin yeganə qolu isə 55-ci dəqiqədə Elvin Cəfərquliyevin aktivinə yazılıb.

Cavab qarşılaşması fevralın 24-dən 25-nə keçən gecə, Bakı vaxtı ilə saat 00:00-da İngiltərədə baş tutacaq.

***

Remsi 72-ci dəqiqədə qonaqların 6-cı qolunu vurdu: 1-6.

***

Elvin Cəfərquliyev 54-cü dəqiqədə "Qarabağ"ın ilk qoluna imza atdı: 1-5.

***

Qordon görüşün 45-ci dəqiqəsində penaltidən özünün dördüncü, komandasının beşinci qoluna imza atdı: 0-5.

***

Qordon özünün üçüncü, komandasının dördüncü qolunu vurdu: 0-4.

***

32-ci dəqiqədə Entoni Qordon penaltidən fərqlənməklə dublunu rəsmləşdirir - 0:3

***

Qarşılaşmanın 9-cu dəqiqəsində Tşau ikinci qola imza atdı: 0-2.

***

Matçın 2-ci dəqiqəsində Qordon qonaqları hesabda önə keçirdi: 0-1.

***

"Qarabağ" - "Nyukasl" qarşılaşması start götürdü.

***

UEFA Çempionlar Liqasının pley-off mərhələsində üz-üzə gələcək "Qarabağ" və İngiltərənin "Nyukasl" kollektivlərinin start heyətləri bəlli olub.

Publika.az xəbər verir ki, komandalar meydana aşağıdakı "11-lik"lərlə çıxacaqlar:

"Qarabağ": Mateuş Koxalski, Mateus Silva, Marko Yankoviç, Abdullah Zubir (k), Joni Montiel, Bəhlul Mustafazadə, Leandro Andrade, Kamilo Duran, Pedro Bikalyo, Elvin Cəfərquliyev, Kevin Medina.

"Nyukasl": Nik Poup, Lyois Holl, Den Bern, Malik Tşau, Kiran Tripper, Co Uillok, Nik Voltemade,

Qeyd edək ki, görüş bu gün, saat 21:45-də Tofiq Bəhramov adına Respublika stadionunda start götürəcək.