FİFA prezidenti də o qalmaqala reaksiya verdi: Şoka düşdüm

FİFA prezidenti Canni İnfantino ” Real Madrid”in hücumçusu Vinisius Junior ətrafında yaranan mübahisəyə münasibət bildirib.

Xinisius “Benfika”nın oyunçusu Canluka Prestianninin Çempionlar Liqasının pley-off matçında ona “meymun” dediyini iddia edib.

Publika.az xəbər verir ki, FİFA-nın “X” sosial media hesabında İnfantinonun sözləri sitat gətirilib:

“Benfika və “Real” arasında keçirilən UEFA Çempionlar Liqası matçında Vinisius Juniora qarşı iddia edilən irqçilik hərəkəti barədə xəbər tutanda həm şoka düşdüm, həm də kədərləndim. İdmanımızda və ya cəmiyyətimizdə irqçiliyə yer yoxdur – bütün maraqlı tərəflərin tədbir görməsini və məsul şəxsləri məsuliyyətə cəlb etməsini istəyirik.

FİFA-da, Qlobal İrqçiliyə Qarşı Təşkilat və Oyunçuların Hüquqları Komissiyası vasitəsilə oyunçulara, rəsmilərə və azarkeşlərə hörmət və qorunmanı təmin etməyə, hadisələr baş verdikdə müvafiq tədbirlər görməyə çalışırıq. Oyunu dayandırmaq və vəziyyəti həll etmək üçün əl işarəsindən istifadə edərək irqçiliyə qarşı protokolu aktivləşdirdiyinə görə hakim Fransua Leteksieri alqışlayıram.

FİFA və futbol irqçiliyin və bütün növ ayrı-seçkiliyin qurbanları ilə tam həmrəydir. Mən həmişə təkrar edəcəyəm: İrqçiliyə yox! Hər hansı bir ayrı-seçkiliyə yox!”