Dünyanın ən seksual qadın futbolçusu 130 minlik "oyuncağ"ını nümayiş etdirdi - VİDEO

Dünyanın ən seksual qadın futbolçusu, İsveçrə millisinin vingeri Alişa Lehmann təxminən 130 min funt sterlinq dəyərində olan yenilənmiş "Mercedes-Benz Coupe AMG" avtomobilini nümayiş etdirib.

Publika.az xəbər verir ki, qışda "Komo" klubundan "Lester Siti"yə transfer olunduqdan sonra futbolçunun həyat tərzi dəyişməyib. Avtomobil parlaq ağ rəngdən aqressiv mat qara rəngə çevrilib. Tüninq işləri İsveçrənin "Swissfoil" şirkəti tərəfindən həyata keçirilib. Sosial şəbəkələrdə isə avtomobil artıq "Betmobil" adlandırılıb.

Lehmann sosial şəbəkədə paylaşdığı videoda avtomobili nümayiş etdirib və ulduz emojiləri ilə ustalara təşəkkür edib. Ehtimal olunur ki, bu, o, payızda "Prime" içkisinin reklam kampaniyası zamanı ağ dəri salonlu halda nümayiş etdirdiyi həmin "Mercedes-Benz" avtomobilidir.

Əgər bu model V8 mühərrikli versiyadırsa, söhbət "AMG Coupe"nin ən yüksək komplektasiyasından gedir. Britaniya mediasının məlumatına görə, avtomobilin kuzovunun tam örtülməsi təxminən 6 min funt sterlinqə başa gəlib.

Xatırladaq ki, İsveçrə ulduzunun avtomobil kolleksiyasında "Lamborghini Urus", "Mercedes-Benz G-Class" və digər lüks modellər də var. O, bu avtomobilləri sosial şəbəkədəki təxminən 16 milyon izləyicisi ilə mütəmadi bölüşür.

Publika.az

View this post on Instagram

A post shared by Swissfoil GmbH (@swissfoil)