“Qalatasaray” və “Fənər”in futbolçularına 17 il həbs verilə bilər

Türkiyə liqasında futbol matçlarına mərc etməklə bağlı qalmaqal yaşanır.

Publika.az xəbər verir ki, “Sabah” qəzetinin məlumatına görə, Türkiyə Super Liqasının ən yaxşı klublarından iki oyunçu istintaq altındadır.

Söhbət “Fənərbağça”nın kapitanı Mert Hakan Candaş və “Qalatasaray”ın futbolçusu Metehan Baltaçıdan gedir. Mənbələrə görə, Yandaş 17 ilə, Baltaçı isə 13 ilə qədər həbs cəzası ala bilər.

İstintaq Baltaçının “Qalatasaray”ın “Rizespor” (mart 2021) və “Göztepe” (aprel 2021) ilə oyunlarına mərc etdiyini müəyyən edib. O, əsas heyətdə olmasa da, heyətdə idi və nəzəri olaraq meydana çıxa bilərdi. Mərc edərkən peşəkar statusu barədə bukmekerlərə məlumat verməyib.

Vəziyyət Türkiyə futbolundakı qanun pozuntularına qarşı genişmiqyaslı mübarizə kampaniyası fonunda inkişaf edir. Ötən il Türkiyə Futbol Federasiyasının rəhbəri İbrahim Hacıosmanoğlu mərc oyunlarında iştirak etdiklərinə görə 149 hakimin vəzifəsindən kənarlaşdırıldığını açıqlamışdı. Daha sonra məlum oldu ki, mindən çox futbolçu da şübhə altındadır.