İdman

Qurbanov 30 il görmədiyi müəlliminə görə mətbuat konfransına gecikdi - Video

8 Mart 2026 23:00

"Üzrlü hesab edin, bir az gec gəldim. Bəlkə də son dəfə 30 il bundan qabaq gördüyüm müəlliməmi gördüm".

Publika.az xəbər verir ki, bu sözləri "Araz-Naxçıvan" klubu ilə oyundan sonra baş tutan mətbuat konfransında "Qarabağ"ın baş məşqçisi Qurban Qurbanov deyib.

"Rayonda həndəsə müəllimi olan Gülnaz müəllimə hər dəfə oyunlarımıza gəlib izləyir. Bu barədə eşitmişdim, amma bu gün dedilər ki, buradadır. Onunla görüşürdüm", - deyə o əlavə edib.

Q.Qurbanov, həmçinin "Sabah"ın məşqçisi ilə aralarında yaşanan münaqişəyə də toxunub:

"Sabah"ın məşqçisinə qarşı təəssüf hissi o oldu ki, qalmaqal heç olmamalı idi. Bəzən belə qalmaqallar futbolçularda daha çox məsuliyyət yaradır. Mən ümumiyyətlə belə hallarda vərəqə verilməsinin əleyhinəyəm. Qırmızı vərəqə olmamalıdır. Bu, içəridən gələn, yəni kin deyil. Bu, sırf futbolla bağlı haldır. Bəzən öz aramızda futbol oynayırıq. Orada söyüş belə olur. Futbolda belə hallar baş verir". (Oxu.Az)