“Real”ın sabiq ulduzu uğurunu pivə ilə qeyd etdi - Video

“Çelsi” və “Real”ın keçmiş vingeri Eden Azar İspaniyanın Malyorka adasında 167 kilometrlik velosiped yürüşünü uğurla başa vurub.

Publika.az xəbər verir ki, şənbə günü keçirilən bu çətin marafondan sonra 35 yaşlı sabiq futbolçu finişdə kameralar qarşısında pivə içərək bunu qeyd edib. Yarışı tamamladıqdan sonra qısa müsahibə verən Azar, daha sonra spirtli içki ilə uğurunu qeyd edib.

2023-cü ildə, 32 yaşında peşəkar karyerasını başa vuran belçikalı futbolçu hazırda aktiv həyat tərzini qoruyur. O, xeyriyyə oyunlarında iştirak edir və velosiped idmanı ilə məşğul olur. Qeyd edək ki, Azar 2024-cü ildə qardaşları ilə birlikdə Fransadakı məşhur “Mont Ventu” marşrutunu da fəth etmişdi.

Peşəkar karyerası ərzində Eden Azar “Çelsi”nin heyətində 352 oyunda 110 qol vurub və altı böyük titul qazanıb. O, iki dəfə İngiltərə Premyer Liqasının qalibi olub, daha sonra isə “Real”a keçərək karyerasını Çempionlar Liqası zəfəri ilə tamamlayıb.

View this post on Instagram

A post shared by Tres De Sus Goles (@tresdesusgoles)